Vincitur Inimicus

20.00

Vincitur inimicus ye la segunda novela del escritor Xandru Martino Ruz, que dos años dempués vuelve a la escena lliteraria asturiana tres la publicación de Nunn (Delallama, 2020). Nesta entrega nueva del autor la obra ta ambientada na corte d’Alfonsu II. Arranca cola etapa na que zarren al rei nel monesteriu d’Ablaña, onde va facer amistá con un monxu que-y va sirvir d’amanuense na so vuelta al tronu. Una historia d’amistaes, enemistaes ya intereses nuna corte na que los porgüeyos personales arreblaguen penriba d’otros valores.

Una narración que se desendolca nun reinu asturianu qu’abarca dende Euskadi a Galiza y que llucha por fixar les llendes del sur énte los sarracenos al tiempu que les rellaciones diplomátiques col Imperiu de Carlomagnu son una cuestión familiar y cercana.

Una novela histórica que nos permitirá conocer dellos detalles d’un tiempu nel que’l Reinu d’Asturies yera ún de los más poderosos de la Tierra.

Xandru Martino Ruz (Ribeseya, 1966) ye llicenciáu en filoloxía francesa, diplomáu en maxisteriu y especialista d’asturianu pola Universidá d’Uviéu. Académicu correspondiente de l’Academia de la Llingua Asturiana dende l’añu 2021.
Como narrador tien asoleyaos los llibros De Ceuta a Sarayevo (relatos, 1995), A la gueta l’esbardu (novela xuvenil, 1997) y Rema con orpín en nueche de seronda (relatos, 1999), amás de ganar los premios narrativos El Garapiellu y Pepe Campo nel 1997 y el Vital Aza y Relatos de la mar nel 1998. Y dellos premios más como finalista.

Como traductor tien asoleyáu’l llibru Cuentos pa poner colloraos a los capiellinos de Jean Pierre Énard nel 1996, La lleición d’Ionesco nel Lletres Asturianes, amás d’otres traducciones en destremaes publicaciones y revistes, d’autores como Éric Vuillard, Fred Vargas, Proust, Prévert, Zola, Jean Paul Dubois, Mohamed Mbougar Sarr, Nicolás Mathieu, Annie Ernaux, etc.
Tamién como traductor, ye revisor de les versiones n’asturianu de les coleiciones Astérix y Obélix y Tintin.

Categorias

Descripción

· Autor: Xandru Martino Ruz
· ISBN: 978-84-125807-4-7
· Formato: 17 x 24 cm
· Páginas: 212
· Cubierta: rústica, con solapas.

*** Envíos gratuitos a toda España

· Descarga aquí nuestro dosier de prensa:
Dosier Vincitur Inimicus.

Reviews

No hay ninguna opinión todavía.

Sé el primero en opinar “Vincitur Inimicus”

Tu dirección de correo electrónico no será publicada. Los campos obligatorios están marcados con *